عادات سورية بايخة

أسئلة سورية يومية وبايخة
> > *متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :
> > شو نايم ؟؟
> > لأ !! عم ارقص.. بس الوضع بيوحي إني نايم
> >
> >
> > *معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه
> > إجيتوا ؟؟؟
> > لا والله لساتنا عالطريق، في عجئة بشارع بغداد
> >
> >
> > *لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت، بيجي حدا من أهلك بيسألك، شو رايحلك شي مشوار !!؟؟
> > لا والله طالع عالأسطوح صلّح الدش؟؟؟
> >
> >
> > *حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى
> > وجهه علائم الإستغراب والدهشة: بدك تحكي بالتلفون؟
> > لأ شو إحكي !!! بس كنت عم عد أزرار التلفون بركي ضاع شي واحد ؟؟؟
> >
> >
> > *حاطت راسك ونازل بهالكتب والدراسة، بيجي أبوك أو امك...: عم تدرس؟
> > لا والله ...!! عم غير زيت للسيارة
> >
> >
> > *مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي
> > بتجاوب: شو بتساوي اول يوم العيد ؟ أكيد بتروح بتزور الأهل والقرايب
> > لا والله بالعادة بفكر العب شدة وماروح لعندهم
> >
> >
> >
> > *بتطلع بميكرو وبتطلع (خمسة ليرات )وبتعطيها للي قدامك، وبكل برودة
> > بيئلك: واحد ؟
> > لأ 60 واحد ؟ ورجعلي الباقي
> >
> >
> >
> > *بدك تنزل من الميكرو: عاليمين زكاتك.... بتتلقى الرد: نازل ؟؟
> > لا والله بس عم جرب صوتي



القصص القديمة بعد التطوير
نظراً للتطور الحضاري و الاجتماعي و غلاء المعيشة............ .......... .... فقد ارتأت اللجنة العليا للقصص

أن تقوم ببعض التعديلات لتتلاءم مع الوقت الراهن

اليكم بعض منها

_______


قصة الأميرة و الشرير

بعد أن خطف الشرير الأميرة و أخذها إلى قصره في أعلى الجبل
ذهب البطل لإنقاذها ووصل إلى الشرير و بدأ بقتاله
و فجأة قالت الأميرة : لحظة لحظةَ !!
و سألت البطل: أبو الشباب، عندك فيلا في الجميرا؟؟؟
قال البطل: لا.
قالت: عندك رينج
سبورت؟
قال: لا.
قالت : شو جايبك ؟؟؟
قال:لأنقذك وأصبح أميراً.
قالت: يعني داخل على طمع .
ثم هجمت الأميرة على البطل و أنقذت الشرير
من بين يديه
وعاشت هي و الشرير في سعادة وهناء !!!


_______


قصة ليلى و الذئب

عندما شاهدت ليلى الذئب في الغابة دلته على بيت جدتها
و اتفقت معه على قتل جدتها كي ترثها
و تعطيه نسبته من العملية !!!

_____


قصة علي بابا و الأربعين حرامي

بعد نقاش طويل و اجتماعات و مباحثات بين علي بابا و الأربعين حرامي
اقتنع علي بابا بهم ..
و صارت قصة الواحد و الأربعين حرامي !!

____________ _


الأميرة و الأقزام السبعة

سألت زوجة الأب الشريرة المرآة: من أجمل إمرأة في البلاد ؟؟
قالت المرآة: سنو وايت !
فذهبت إلى أخصائي تجميل في بيروت..
و بعد عدة عمليات تجميل ونفخ عادت زوجة أبيها إلى المرآة
و سألتها: من أجمل إمرأة في البلاد؟؟
فقالت المرآة: أنت يا سيدتي.
ففرحت و طنشت سنو وايت
التي عاشت مع الأقزام السبعة الي طلعوا عينها و خلوها تنظف البيت و تطبخ كل يوم

____________ __


علاء الدين و المصباح السحري

بعد أن رأى علاء الدين الأميرة
طلب من عفريت المصباح أن يحضر له بينتلي جي تي كوبيه سوبر شارج
عشان يداعس مع الملك راعي الكورفيت و يفوز عليه
بس قسط التأمين طلع غالي عشان سيارة سبورت فاضطر علاء الدين أن يبيع السيارة
و انسحب من السباق و خسر الأميرة
و فتح محل شاورما

____________ _________ _


قصة سندريلا

انتظرت سندريلا طويلاَ و لم تظهر الساحرة
فصعدت إلى غرفة أختيها و ملأت وجهها بالمكياج
وذهبت إلى الحفلة .
و عندما وصلت إلى الحفلة وهي تظن بأنها ستأسر قلب الأمير
فوجئت بأن كل الفتيات أجمل منها .
و عندما رآها الأمير قال: العمى مين هي ؟؟؟
و عادت سندريلا بخيبة الأمل و لكن سواق الأمير الخاص 'بابو' أعجب بها
وعرض عليها الزواج فوافقت على الفور على مبدأ (حمار في اليد و لا عصفور في الشجرة)

والله كلامك صحيح بس هذا العادات مو بس السورين
عند اغلب العرب